Donateur
* Et ‘Prins
Bernhard Cultuurfonds Fryslân’ steunt
et vertaelen van de Biebel in et Stellingwarfs van hatte. Daank daorveur…
* De ‘Perveensie
Fryslân’ steunt et vertaelen van de
Biebel in et Stellingwarfs van hatte. Daank daorveur…
* De ‘Van Heloma stichting’ steunt et vertaelen van de Biebel in et
Stellingwarfs van hatte. Daank daorveur …
De teller van de donaosies en toezeggings staot now op zoe’n 10% van de
begroting van 150.000,00 euro mar daor is et meerste ok al van opbruukt
vanzels.
Daank veur alle goeie gevers want…
Veur zok wark is (vanzels) een (protte) geld neudig. Allienig al veur et maeken en uutgeven
van de proefuutgiften van de Stellingwarver Biebel is keers roem 500,00 euro
neudig. Veerder wiwwe ok alvaast speren veur et maeken en uutgeven van de
‘officiële’ Stellingwarver Biebel. Daorveur vraogen we dan ok donateurs.
Alderhaande aandere bi’jdregen bin vanzels ok meer as welkom.
Anmelden kan hiel vlot deur een e-mail te sturen naor info@stellingwerfs-eigen.nl
of gewoon deur et overmaeken van et bedrag daj’
geven willen.
* Jow kunnen donateur wodden deur jaors op
zien meenst 10,00 euro bi’j te dregen.
* Aj’ 50,00 euro (of meer) jaors overmaeken
dan kriej’ alle proefuutgiften (van dat jaor) van de Stellingwarver Biebel
vanzels toestuurd.
* Veur ién keer een bedrag van 500,00 euro
(of meer) kriej’ alle proefuutgiften van de Stellingwarver Biebel automaotisch
toestuurd en an et aende ok et hiele boekwark: De Stellingwarver Biebel in een
zwatleren kaft mit gooldopdrok.
De centen kuj’ overmaeken op oons
rekeningnommer 4908902 bi’j de Postbank op naeme van de ‘Stichting
Stellingwerfs Eigen’, Grindweg 18, 8422 DN Nijeberkoop.
Oonze donateurs wodden uutgebreid op de hoogte holen van de staand deur zo
vaeke as mar neudig en meugelik is een e-bulletin te sturen. Aj’ d’r veerder
liever niet tevule berichten over hebben willen dan kuwwe dat ok regelen
vanzels.
De boekies die as proefuutgiften uutkommen
kosten veur oonze donateurs altied vuuf euro in stee van 6,85 veur de
niet-donateurs.
Veur alderhaande idenen staon we vanzels waegenwied eupen.
Naor de thuusbladziede