Wieshied uut de Biebel in et Stellingwarfs
De biebelboeken Prediker, Job en Spreuken in roman-uutvoering.

Vertaeler: Piet Bult van Ni’jberkoop.
Mit hulpe van: Frank de Vries uut Blesdieke.
Titel: Wieshied uut de Biebel in et Stellingwarfs.
De biebelboeken Prediker, Job en Spreuken in roman-uutvoering.
ISBN 90-78079-01-0
NUR 525

Et boek van 165 bladzieden is te bestellen deur 14,95 (evt + 2,50 kevot- en zegelkosten) et stok, over te maeken op
Postgironummer: 49 08 902 van de Stichting Stellingwerfs Eigen, Grindweg 18, 8422 DN Nijeberkoop.

Zet bi’j de mededelings wel even: "Wieshied".

Aj’ in de buurt van Ni’jberkoop dan kuj’ (nao dawwe tillefonisch even een tied ofpraoten) et boek zels ok even anhaelen veur 14,95. Till.: (0516) 45 10 38

Deur een aemel mit je naeme, adres en woonstee naor info@stellingwerfs-eigen.nl kuj’ et vanzels ok wel bestellen en dan zorgen wi’j dat et in odder komt. Et boek ligt ok veur 14,95 te koop bi’j Bahnmüller in Oosterwoolde en Zwikstra in Wolvege. Et is ok bi’j aandere boekhaandels rondomme in Nederlaand te bestellen onder et numen van et ISBN nr. 90-78079-01-0

Van de aachterflappe:
Prediker: Iedelhied van gedaachten en leven van de meenske.
Job: Waorom moet de rechtveerdige meenske lieden?
Spreuken: Zedelik en geestelik onderwies.

De biebelboeken Prediker, Job en Spreuken wodden as wieshiedsliteretuur beschouwd. Et doel van disse boeken is, om de lezer of de luusterer kennis, praktische levenswieshied en moreel benul bi'j te brengen op verschillende terreinen.

Dit boek ‘Wieshied uut de Biebel in et Stellingwarfs’ wil een bi’jdrege leveren an et gebruuk van et Stellingwarfs op die terreinen, liekewel in kultureel as in literair opzicht.

Eerder bin d’r deur verschillende schrievers wel es stokken van de Biebel overzet in de eigen tael van et laand van Stellingwarf. De stichting Stellingwerfs Eigen is doende om de hiele Biebel uut et Nederlaans (NBV) omme te zetten naor de eigen Stellingwarfse streektael. Mit regelmaot wodden proefdrokken van biebelboeken uutgeven mit de vraoge an de lezers om verbeteringsveurstellen an te dregen. Ok op disse uutgifte wodt kommentaor slim op pries steld. Iederiene kan zien op- en bemarkings kwiet op et aemeladres info@stellingwerfs-eigen.nl. Veur et volgen van et hiele perces van et vertaelen van de Biebel in et Stellingwarfs kuj’ terechte op www.stellingwerfs-eigen.nl.

Et Stellingwarfs heurt krek as de oolde streektaelen van Grunningen, Drenthe, Overiessel, de Aachterhoek en Oost-Veluwe tot et Nedersaksisch taelgebied en wodt daegeliks bruukt deur zoe’n 30.000 meensken in Zuudoost-Frieslaand. Et Nedersaksisch -en daormit et Stellingwarfs ok- is in 1995 erkend as streektael in et raemwark van et Europese Handvest veur regionaole taelen en taelen van minderheden, onder diel II.