Het geborduurde leven
Zet bi’j de mededelings wel even: "Thriller".
Aj’ in de buurt van Ni’jberkoop dan kuj’ (nao dawwe tillefonisch even een tied ofpraoten) et boek zels ok even anhaelen veur 13,95. Till.: (0516) 45 10 38
Deur een aemel mit je naeme, adres en woonstee naor info@stellingwerfs-eigen.nl kuj’ et vanzels ok wel bestellen en dan zorgen wi’j dat et in odder komt. Et boek ligt ok veur 13,95 te koop bi’j Bahnmüller in Oosterwoolde en Zwikstra in Wolvege. Et is ok bi’j aandere boekhaandels rondomme in Nederlaand te bestellen onder et numen van et ISBN nr. 90-78042-01-X
De aachterflappe (mar dan in et Nederlaans):
De heufdpersoon in disse thriller-roman is Barreld. Hi’j schrift veur zien brood mar zit deur een wat ondudelike ziekte al een schoft thuus. As therapie neudigt hi’j zien ex-vrouw, een ex-latrelaosie, zien zusters en wat vrunden uut om him te helpen mit et schrieven van een boek. Hi’j vragt heur om veerder te berduren op een deur himzels opzette verhaelelijn die al vaaste ligt in de proloog van zien ni’je thriller. Een peer meensken gaon op zien uutneudiging in en ze schrieven heur uutwarkte idenen an him weeromme. Deur die inbreng van butenof krigt Barreld zien boek niet allienig een betien vorm mar krigt de lezer ok een slim detailleerd inzicht in de relaosie van Barreld mit zien ex-en, de breur-zuster relaosie en een protte aandere vrundschoppen. Zol et de zieke Barreld lokken om zien ‘writers-bloc’ te boven te kommen en de thriller dan toch nog of te maeken? Wodt hi’j weer beter van zien aekelige andoening en zien ‘midlife-crisis’? Zal hi’j mit zien leven as een goeie schriever en as degelik persoon deurgaon kunnen of blift et allemaole toch wat broddelwark?